[2025]

Lugar: Galería de Arte DODO DADÁ. Ourense.

Proposta artística escultórica para a acción colectiva artístico-performativa “ARTE CON GANCHO”, coordinada polo artista Manolo Figueiras en solidariedade co pobo palestino, por Gaza e contra o xenocidio. Os beneficios recadados destináronse integramente á organización "Corazón de Gaza".

"A idea central da acción colectiva consiste en xuntar obxectos singulares (non necesariamente "obras de arte", aínda que tamén) e darlles un tratamento alternativo, participativo e lúdico; próximo ao que sería unha caseta de feira e lonxe do que adoita pasar nunha galería de arte. O público participante utilizará canas de pescar coas que atrapar (gardar) algunhas das pezas. Esta acción pretende converter o espazo de liberdade de encontro e colaboración nun escenario de galería. vai máis aló dos límites convencionais, sendo un exorcismo contra a indiferenza e os prexuízos, e un xogo de confrontación co ego e as expectativas.
Pensamos que a arte ten o poder de unir, provocar e transformar, deixando a súa pegada e influencia no marco social no que opera”.