Unha mostra cuxo espazo expositivo cambia de aspecto en tempo real, como un happening, coa participación de afortunados que adquiren unha ou varias das ilustracións de pequeno formato expostas.

Cada ilustración ten asignado un punto de substitución "vermello". No momento en que se realiza a compra, a obra abandona inmediatamente o seu espazo expositivo e substitúese polo seu 'punto vermello'. Este cambio de espazo realízao a persoa que adquire a peza. Cun rotulador rexistrarás a túa compra cun debuxo ou pensamento escrito no 'punto vermello'. Será un intercambio único que marcará un antes e un despois na súa relación artista/coleccionista.

Deste xeito, a instalación cambiará continuamente, dándonos a oportunidade de experimentar o cambio de aspecto no espazo e no tempo.

***

“Alba Fernández observa o mundo dende unha burbulla translúcida que flota a ras do chan e ten un buraco cuns anteollos. Ela dende alí mira, analiza, debulla e, final­mente, ilustra un sentimento. O que Alba propón non é unha mostra de debuxos. É unha experiencia visual que case se confunde cun arrecendo familiar, coa lernbranza táctil dun abrazo ou co sabor da auga salgada nun mergullo de fin de verán.
O simple dos seus trazos contrasta coa claridade da súa mensaxe. Delgados fías que ilustran unha realidade de coidados, de ledicia e de liberdade. Fías de prata que conforman unha vida posible.
Esta proposta artística invita aos espectadores a navegar por sentimentos e sensacións distintas e individuais. Son os ollas de cada un de nós os que activarán as obras e lles darán sentido.
Ternos nestes escaparates cedidos por Paloma García Delgado, ao redor de 45 obras de pequeno formato delicadamente ilustradas con tinta china, lapis de cor, acuarela, gouache … e incluso unhas tesoiras.”

Texto de Olga Pastor Alvarado